Япон Монгол Спорт

Тэмдэглэлийн талаар:

юм юм



Миний холбоосууд

* Нvvр
* Миний талаар
* Хуучин бичлэгvvд
* Найзууд

хачирхалтай Япон орон

Саяхан Канадын сэтгүүлч Benjamin Fulford ын бичсэн Япон орон аргентин танго бүжиглэх өдөр гэдэг ном уншлаа. Японы эдийн засагт хувьсгал өөрчлөлт хийх хэрэгтэй талаар бичсэн байна. Олон жил Японд амьдарсан энэ сэтгүүлчийн номд хачирхалтай Япон орон гэсэн нэг бүлэг байна. Зарим хэсгийг нь орчуулав.

Изакая зоогийн газарт япон хэл сурлаа.

Яагаад Японд ирээ вэ? Яаж япон хэл сураа вэ? Японд байгаа гадаад хүмүүсийн хамгийн их сонсдог асуулт энэ гэж хэлж болно. Би ч гэсэн хэдэн удаа сонссоноо мэддэггүй юм. Хариулахад их хэцүү асуулт юм. Тийм учир шалтгааны улмаас би Японд ирлээ гээд тоочоод байлтай биш. Тэгээд ч заавал нэг шалтаг байж байж Японд ирэх албагүй билээ. Тийм болохоор би тэдэнд Япон үлгэрийн орон шиг харагдсан болохоор гэж хариулдаг. Үнэхээр анх миний ирж байсан тэр үед Япон үлгэрийн орон байсан гэхэд болно. 3 жил дэлхий тойрон бадарчилж яваад Токиод ирээд за ёстой дэлхийн бөмбөрцгийн хаана ч байхгүй газар ирлээ дээ гэж бодсонсон. 1980 аад оны эхний хагасын Японд амьдрал буцалж, хүмүүсийн нүүрэнд итгэл мөрөөдөл бялхаж байсан. Би Кооэнжид 6 жогийн жижиг өрөө хөлслөн япон хэл сурахаар хэлний сургуульд явж эхлэв. Гэвч энэ сургуульд хэл сурна гэж байхгүй юм байна гэж ухааран 3 хоноод л сургуулиа хаян буудлын дэргэдэх зоогийн газарт ажил хийж эхэлсэн. Түүнийхээ ачаар хагас жил болоход японоор ярьдаг болж, өдийг хүртэл жилийн ихэнх хэсгийг энд өнгөрөөдөг болоод байна. Дипломат байсан аавыхаа ачаар олон орон хэссэн тул харь орны зан заншилд ч дороо л дасдаг.

Хамгийн анх Япон гэсэн орны талаар сонссон маань Мексикт бага сургуульд сурж байсан үе. Тэр үед зурагтаар Японы ウルトラマンгэдэг кино гарж ихэд сонирхон үздэг байлаа. Аргентинд байхдаа Японы элчин сайдын хүүтэй танилцаж наран орны талаар их юм сонссон. Манай гэр бүлийхэн дорнодтой эртнээс холбоотой улсууд. Өвөөгийн эх эцэг эмний худалдаа эрхлэн эртний Шанхайд дэлгүүртэй байсан гэдэг. Оттава дахь гэрт маань Дорнодын ховор сонин юм их бөгөөд гэрийн номын сан маань сургуулийн номын сангаас илүү олон номтой байсан юм даг. Тиймээс би ном их уншдаг байлаа. Канад ой модны орон. Хэдэн ном аваад л ойд орж гарж ирэлгүй хэд хоног ч хамаагүй ном уншаад л хэвтдэг байв. Ой мод миний хувьд эрх чөлөө байлаа.

Удалгүй би гэрээ орхин гарж, Патогонийг зорин аялсан. Анх 2 долоо хоног гэж байсан төлөвлөгөө маань хэдэн сар болон хувирж нэг мэдэхэд би Амазон, Андын нурууг хөндлөн гулд тэнэсэн байв. Бадарчны амьдралд дасан дэлхийг тойрон аялсаар эцэст нь Японд ирсэн. Япон үнэхээр сайхан орон байсан. Яг амьдраар эхэлхээр Японы сайн сайхныг яс махаараа мэдрэнэ. Хаалгаа цоожлохоо мартаад гараад явсан ч санаа зовох зүйлгүй, энд тэнд юмаа гээсэн ч буцаад л хүрээд ирдэг байлаа. Японы хот гудамжны онцлог өвөрмөц байдал, сонин хачинд ч сэтгэл маань татагдсан. Дөнгөж хальт ороод харсан ч бодол төсөөлөлд багтахгүй гүн гүнзгий нууцлаг ертөнц тэнд байлаа. Христосын шашинт Барууны оронд хэзээ ч мэдрэхгүй нэг юм байлаа. Манай гэр Канадад ховор гэж хэлж болохоор шашин шүтлэггүй улсууд байв. Тийм болохоор надад Дорнод тохирж байсан ч байж болох юм.

Гэвч удаан амьдраад эхэлсэний гай юу Японы дутагдалтай талууд ч нүдэнд өртөх болоод эхлэв. Бас яаж ч бодоод ойлгохгүй хачин зүйлс ч ихсэж эхэлсэн. Ганц үгээр хэлбэл Япон миний хувьд одоо ч хачирхалтай орон хэвээр байна. Ингээд Японы хачирхалтай зүйлсийг бичье. Номны маань сэдэвтэй холбоогүй ч цаашдын Японы хөгжилийг бодон үзээд уншигчдад хэрэг болох болов уу гэж бодлоо.

Түүхийн сурах бичиг

Би багадаа Мексикт олон улсын сургуульд сурж байлаа. Үдээс өмнө мексик сургуультай адил хичээл ороод үдээс хойш америк сургуулийн хичээл үздэг байв. Одоо болтол санадаг маань түүхийн хичээл. Нэгэн өдөр 1846-1848 оны Америк мексикийн дайны хичээл орлоо. Хичээл тараад би өнөөдөр 2 өөр дайны тухай хичээл хийлээ гэж бодож байсан юм даг. Тэгсэн нэг дайн байдаг байгаа. Үдээс өмнө Америкчүүд довтлож манай газар нутгийг эзэллээ гэж үзээд америк хичээл дээр болохоор Техасын дайчид Мексикийн армид бүслүүлсэн ч эрх чөлөөнийхөө төлөө эрэлхэг тулалдсаар яллаа гэж заалгахаар хүүхэд яаж нэг дайн гэж ойлгох билээ дээ. Гэхдээ иймэрхүү юмнаас болоод Америк Мексик 2 түүхийн сурах бичигээ зас хэмээн хэрүүл уруул хийдэггүй. Нэгэнт л дайн юм болохоор аль аль талд өөрийн тайлбар, үзэл бодол бий. Эр эм хоёр салж байгаа л юм шиг аль нэг нь 100% зөв гэх юм үгүй. Дайн болсон гэдэг нь түүхээр батлагдан тогтоогдсон үнэн зүйл ч яагаад дайтсан үр дүн нь юу вэ гэдэг дээр хоёр тал өөр өөр байх нь мэдээжийн хэрэг. Итгэхгүй бол дэлхийн бүх орны сурах бичгийг шалгаад үз. Адилхан бичигдсэн юм байхгүй байх вий. Тиймээс би Япон Хятад Солонгосын түүхийн сурах бичиг тойрсон маргааныг ойлгодоггүй юм. Яагаад ч юм Японы сурах бичиг л үргэлж хараалгаж загнуулан зас гэсэн шаардлага хүлээдэг. Яагаад хятад Солонгос одоо болтол энэ асуудлыг сөхөн тавьж, олон улсын асуудал болгоод байна вэ? Япон энэ асуудлаар баримталдаг бодлогоо засан нэг мөсөн шийдэх цаг болжээ. Түүхийн асуудлыг хараад байхад хиймлээр сөхөн гаргаж байгаа юм ажиглагддаг. Өөрөөр хэлбэл энэ хэрүүл хэн нэгэнд хэрэгтэй гэсэн үг. Хэнд гэхээр улс төрчдөд. Тиймээс Япон энэ асуудлаар юу бодож байгаагаа бөөрөнхийлөлгүй хатуу чанга хэлээд үнэн зөвийг дэлхий дахин шүүг дууслаа гэхэд л үнэхээр энэ асуудал дуусах юм.

Дүрэм журмаар дүүрэн орон Япон

Японы нийгмийн бүх салбарт элдэв янзын дүрэм олон. Жишээ нь нийтийн бассейн. Гадаадын хүн хичнээн хямд байсан ч энэ бассейн явдаггүй. Яагаад гэвэл тос хэрэглэж болохгүй, заавал малгай өмсөх, зориулалтын хувцас, хоол ундаа авж орж болохгүй гээд л янз бүрийн хориг олон учраас тэр. Бас нэг гайхалтай юм нь цаг тутамд шүгэл дуугаран бүгдийг нь уснаас гаргадаг явдал. Үйлчлүүлэгчдийхээ эрүүл мэндэд санаа зовж байгаа нь баярламаар ч ёстой хэнд ч хэрэггүй эелдэг зан гэдэг энэ байх. Ийм тэнэг хориг дүрэм байдаг газар бол дэлхий дээр ганц Япон. Тос хэрэглэх юм бол бассейнд орохоосоо өмнө дүүшинд угаа гэвэл болоо. Малгай өмсүүлдэг нь дайны дараахь бохир заваан байсан үед хэрэглэж байсан заншлын үлдэгдэл юм болов уу. Дуртай усны хувцсаа өмсөж болдоггүй нь олон нийтийн газар задгай зайдан байдал гарна гэж сэргийлсэн хэрэг юм болуу. Хоол унд авж ороод тохирсон газар нь идээд заасан газар нь хаяж байвал болоо. Тогтоосон цагт бүгд зэрэг амарж байхаар өөрийн дуртай цагтаа уснаас гарж дуртай цагтаа орж байсан нь сэтгэл санааны дарамт байхгүй. Яагаад япончууд дургүй байсан ч гэсэн энэ олон хэрэгтэй хэрэггүй журманд захирагддаг байнаа? Сүүлийн үед гайгүй болж байгаа ч жоохон дээр үед албан хаагчдын костюм цамцны өнгийг тодорхойлсон бичигдээгүй хууль байсан. Зуны хар халуунд бүгд гонжоомоо өмсөөд л зангиагаа зүүгээд л явж байлаа. Бага ангийн хүүхдүүд адилхан цүнхтэй. Зуны амралтаараа өглөө эрт босож, өглөөний гимнастик радион аяан доор хийнэ. Ахлах ангийхан ч дүрэмт хувцастай.

Японы хүүхэд бусдаасаа ангид юм хийвэл энэ чинь өөр шүү гэж анхааруулга авдаг. Англиар бол It’s different гэвэл магтсан үг болох ч Японд бол загнаж байгаа хэрэг. Англиар анхааруулга өгье гэвэл It’s wrong эсвэл It’s bad гэж тодорхой хэлдэг. Тохирсон тохироогүй дурмэнд баригдах нь их аюултай зүйл. Чөлөөтэй сэтгэх бодох хөдлөхийг боогдуулдаг. Дүрмэнд захирагдахгүй хүнийг шахан гаргадаг Японы нийгэм хүнийг сүрэг мал шиг болгоно. Francis Bacon бороо орохоор нь шүхэр гарган барьжээ. Тэр үеийн Англид эмэгтэй хүн л шүхэр барьдаг байсан тул бүгд л цочирдон гайхсан байна. Тэгвэл одоо бүгд л шүхэр хэрэглэж байна. Японд өөрийн гэсэн Bacon хэрэгтэй байна.

Японы оюутнууд чадвар муу

Гадаадын нэгэн компанийн захирал- Япон шинэ ажилтан авсан чинь ямар ч хэрэггүй амьтан байна гэж хэлэхийг сонсож байлаа. Туршаад жаал юм асуусан чинь мэдэхгүй байж. Тэр захирал – Америк оюутан бол ихэнх нь мэдэж байгаа зүйлийг мэдэхгүй юм. Дээр нь хүнийг ухуулах ярих чадваргүй, логик сэтгэлгээ муу хэмээн үргэлжлүүллээ. Үнэхээр санал нэг байна. Америкт ч канадад ч их сургуульд Японыг бодвол хавьгүй их хичээл хийдэг. Эдийн засгийн хичээл гэхэд л тусгай тэргэжлийн сургуулиас ялгаа байхгүй их юм үзэж тэрүүгээрээ оюутнууд   ч мэдлэг олж авдаг. Төгсөнгүүтээ компани байгуулах оюутан ч олон. Аль ч оронд тоглож наадан амьдрах нь зөвхөн хүүхэд. 18 нас хүрсэн бол хичээл хийж юм сурахгүй бол энэ хорвоод амьдрахад хэцүү. Тэгвэл Японд ингэж боддоггүй. Амьдралдаа хамгийн их хичээл хийдэг үе нь бага ангид элсэх шалгалт. Тэгээд дунд сургуулийн шалгалт. Ашгүй орж чадвал тэгээд л дээд сургуулиа төгстөл наргиж зугаалж эхэлдэг залхуу залуус Японоор дүүрэн. Зовж зовж дээд сургуулийн хаалга татсан нэг нь ч оронгуутаа зугаалдаг болоод эхлэнэ. Төгсөөд нэг компанид ороод наргих завгүй болох тул одоо л гэсэн бодолтой. Тэгэхээр дээд сургууль дөнгөж төгссөн хүн хэрэг болохгүй. Овоо юм хийдэг болгон сургахад их цаг хөрөнгө зарцуулна. Арай ядан ажил хийж чаддаг болоод эхлэхээр толгой нь хатуураад тогтоох чадвар нь буураад эхэлдэг. Шинэ зүйл хийе бүтээе гэсэн зүтгэл байхгүй, сэтгэн бодох чадваргүй. Ийм болохоор л Америкаас хол хоцорж байна уу гэсэн бодол төрнө. Олон арван жилийн өмнөөс л боловсролын системийг шинэчлэх хэрэгтэй гэсэн яриа гарж байсан ч одоо болтол юу ч өөрчлөгдөөгүй л байна.     

 

 

 


Бичсэн: 10:25, 2006-Aug-12
Сэтгэгдэл бичихt

гоё шүү миа

Бичсэн: Зочин 01:14, 2010-Mar-3

Холбоос

cain bna uu

ikh goy yum bichjee chamd bayrllaa

Бичсэн: bayr 10:02, 2009-May-13

Холбоос

worried cool

Бичсэн: Зочин 03:09, 2009-Apr-17

Холбоос

ikh sonirkholtoi yum aa. minii hubid ypond ochij uzeegui l dee. 10 jild gadaad helnii gunzgiiruulsen surgalttai surguulid angli, ypon hel zaadag 2 angid huuhed elsuulj absanii japanese d ni orson yum. tugssunuusuu hoish 2 angiinkhaa huuhduudiig haristuulj uzehed ypon helnii angid bsan huuhduud ni ursgalaaraa /yahab zarim ni ypond urgeljluulj surah ni suraal, ajillah ni ajilaal vbj bgaa/ uuriin gesen hatuu zorilgogui neg tiimerkhuu taltai. bi ch tsag aldaj ypon hel sursandaa haramsdag. nileed hojim ni angli heliig bie daan sursan buguud, udur bur l hereg bolj bna daa. gaihaltai hel shuu…harin nuguu angiin buyu angli helnii angid bsan huuhduud ikhebchlen buteelch setgelgeetei, manlailal saitai, niigemd uuriin gesen bair suuritai bolson bsan. dashramd duridahad global iin otgonbat chin manai surguuliin angli helnii angid bh jisheetei. tegeed bodohoor baruunii taliin bolobsroliig 1 nomert tabij bas bolhoor bna. nerd

Бичсэн: Зочин (зочин) 10:55, 2008-Oct-7

Холбоос

таалагдлаа хэхэхэ

Гэхдээ хүмүүсийг хараад байхад хичээл хийгээд л байх болтойм байшд? АНУ-д энэнээс их хичээл хийдэг юм бол бүр балрахнээ хэхэхэ Жоохон дэгсдүүлсэн шиг байнаа..
Жишээ нь Японд сурдаг Монгол оюутнуудыг харж байхад их хичээл хийдэг шиг... АНУ-д байдаг хүмүүсийг ямар байдгийг яг сайн мэдэхгүй ч бас тоглохгүй хичээл хийдэг хүн гэж байхгүйм шиг л байлээшд??
За за гэхдээ ер нь бичсэн байдал нь их таалагдлаа Япончууд энэ дундаас санаа авах юм бас байх шиг л байна...

Тэр сурах бичгийн хувьд Хятад Солонгосуудыг үнэндээ ойлгодоггүйм.. Монголчууд бас л Хятадууд шиг маргавал Хятадын дунд сургуулийн сурах бичгийг хойноос нь урагшаа эсрэгээр бичээд 180градус тойруулж засах болох байх даа хахаха

Бичсэн: xvv 11:08, 2006-Aug-13

Холбоос

<i>Нэр өгөгдөөгүй сэтгэгдэл</i>

Yaagaad yopoond irsen be, yagaad yopoon hel surchivaa gej dandaa asuudag n unen shuu, minii bodloor bol tednii huvid 1rt, hun yamar neg alham hiihdee zaaval uchir utgatai bh yostoi, zugeer neg salgalj yavaal ene eh gazraas tasarsan aral deer neg medsen irchih uchir bhgui gesen setgelgee gunzgii orshij bdag bh. bas yopoonuud gadaad uls geheesee iluu dalain chanad yavah gej ih yadridag, ter ih dalaig gatlaad hereg bolgoj yavna gedeg ovoohon zorilgo bhgui l bol irchih uchir bhgui gej boddiin boluu. tegeel hunees yah gej bgaa zorilgiih n talaar asuuj yaria odoj bgaa hereg gej oilgohod bolno bh. harin ugaasaa hoid amerikt ene tert nuudellej ochson yumuu ert uyees nuudellej amidarsan setgehuitei ulsuudad ene asuult ih yadargaatai sanagddag bh.
bi tegj asuulgaad zalhaad ajil hiihees zalhuu hureed neg shalgalt ogsn chin yopoon yavah taartsiim gej hurtel helj uzj bsan, teheer oodoos kawatteiru ne gediishd, strange ug hellee gedgiig busdaas yalgaatai yum yarij bna shuu gej ilerhiilj bgaam daa, ene nomond bichsen shig.
ene nomiig unshaagui bolhoor buheld ni heleh yum alga, gehdee yopoond tiim olon jil amidarsan hun yum bol muulahaas oor taliig n olj haraagui bmaargui yum. ugaasaa 10 huruu tegsh hun delhii deer haana ch bhgui, japanuud durem juramd zahiragdaj chaddag tuldaa gartaa oruulsan olon davuu tal biig orhigduulsan bval jahan tiimerhuu l yum.
huuhed zaluuchuudiin tuhaid ch gesn ug n tiim muu bish l bmaar yum, baga surguuliin huuhduuded algorithm-g oilguulah geed hodolgoont gymnastic hurtel bdag bizd, tegeed hanz usegtei bolhoor yarij helj bgaa ugiin songoltuud zergiig harahad zugeer neg utgagui chalchya gesen ch tegj bolomgui butsetstei yum shig l sanagdaad bdiishd. medeej yum 2 taltai , usan tolgoitoi negen bhad uchirgui logictoi negen ch bna. canadad ch usa-d ch haa ch tiim l bda biz.
japanuudiin hiisen hybrid prius , hybrid lexus -g hen unaj bna, amerikiin baychuud l hamgiin ih unaj bna shuu dee. tuuhiin surah bichgiin tuhaid japanuud negent uhsen huniig sain ch bai muu ch bai bugdiin sunsiig yalgalgui hundetgej yeroodog bol hyataduud muu hun gej uzeh yum bol avsiig n uhaj yasiig n taraah hemjeenii uzen yadalttai osh sanadag uls gedegtei holbootoi gej ch yaridag. japanuud hyatadad allaga uildsen geed hyataduud orilood bdag, Mao Ze dung heden 100 myangaar n zondoo olon udaa alsang yaagaad yaridguig yugaar tailbarlah ni sonin. tehed japanuud amerikuud Hiroshima nagasakid bombog haysan geed gomdollood jagsaal hiij amerikiig uzen yadahgui l yum. dahij tiim yum yavdal gargahui bhiin toloo delhii dahind bid ene tuhai zarlaj hor hohirliig n taniulah uuregtei uls l gej yarihaas amerikuud bidniig ingesen geel heruul hiigeel yavahguim daa.


Зассан: togoruu хэзээ: 2006-Aug-12 04:28

Бичсэн: togoruu 02:24, 2006-Aug-13

Холбоос

Sain bna uu?

Sain bna u? Ih goyo yum bichjee... Tany niitleliig unshdag shuu.. Joohon bhaasaa l Tavan tsagarig deer tavisan zuiluudiig tani unshij blaa... tegj bgaad neg uulzah bizde... hehe

Бичсэн: Khosoo 12:36, 2006-Aug-13

Холбоос

<- Ємнєх хуудас | Дараагийн хуудас ->

free real music ringtonesblackberry-ringtoneairwaves angel ringtonefaringtons musicmotorola ringtones v220free real music ringtoneshigh school musical ringtones2003 aol harrington hotmail yahoocarrington jr linkskarrington
idiomatic-dormant